– Å etablere oss på Mongstad gjer oss endå sterkare. Ikkje berre ved å skape nye arbeidsplassar, men vi gjer dei eksisterande tryggare.
Til stor applaus kunne dagleg leiar Espen Solhaug i Alsaker Stål fredag offisielt opne den nye verkstadhallen i Mongstad næringspark.
Frå før har Alsaker Stål 50 tilsette og hovudkontor på Askøy. Med etableringa på Mongstad, håper dei å ekspandere ytterlegare.
– Det er lagt opp til fem tilsette, men det er planar om å auke til 10–15 på denne lokasjonen neste år. Vi må sjå kva kundane vil ha og kva ordrar vi får. Vi er ei prosjektbedrift som må tilpasse oss behova rundt oss, seier Solhaug.